君如澄清Wyman Eason玩得開心

賀歲片《12金鴨》上映至今大收2,400萬元票房，一眾演員前晚舉行慶功宴，吳君如更以戲中角色「Future哥」現身，與女演員大講有味笑話，王菀之更從君如褲中抽出大紅腸，寓意「長做長有」搶票房。

[img]http://www02.ktzhk.com/attachment.php?aid=725590&noupdate=yes&nothumb=yes[/img]

吳君如、黃秋生、任達華、王菀之、衛詩雅等前晚出席《12金鴨》慶功賀票房收2,400萬元，君如以「Future哥」打扮現身，向女演員送腸之餘，又給男演員紅封（雄風）利是，其中最搞笑是君如解開褲頭，要王菀之伸手入去拿，結果抽出巨型紅腸，笑爆全場！君如笑言找了很久才在燒味店買到這條完整巨腸。問到有否信心衝破3千萬票房？她笑說：「隨緣啦，做宣傳已出盡力，辛苦過拍戲，因為今年多賀歲片，
所以要更賣力。」

早前電影舉行慰勞宴，有指黃偉文（Wyman）見到遲來的陳奕迅（Eason）即拍枱說：「有啲我唔想見到嘅人出現！」隨即想起身走人，後由君如充當和事老。

對此君如笑謂：「不知他們有咩恩怨，況且Eason遲嚟都應該係我發脾氣，唔係Wyman！睇報道話係關於之前唱歌版稅，當晚都好多人拍枱，因抽獎抽到癲晒，我都好亂，唔知咩事，只見到Wyman同Eason入咗間房聊天，可能是敍舊，又唔覺佢哋行出嚟黑面喎，當晚大家玩得好開心。」王菀之亦不覺當晚有事發生，並指Wyman和Eason在房中摸杯底聊天。

另外，黃秋生對票房大收感到開心，又大讚另一港產片《雛妓》好睇，雖然任達華未獲金像獎男主角提名好可惜，但看好阿Sa封后，因她的演技非常出色，「她的對手係好勁，但阿Sa更勁，金像獎通常給進步獎，阿Sa今次表現有100分，好厲害。」

[[i] 本帖最後由 Yoya_yoya 於 2015-3-6 12:23 編輯 [/i]]