G.E.M.香閨疑違法　Cammi唔戴安全帶

在湖南衛視《我是歌手2》歌唱比賽節目獲亞軍的G.E.M.（鄧紫棋），昨日回歸香港於黃埔新天地舉行《X.X.X.LIVE演唱會》DVD簽名會，吸引300粉絲逼爆商場，之前染紅髮襯白裙「立白」look出戰決賽的G.E.M.，昨日染回一頭啡髮，她說：「因為出街唔方便，好易俾人認到。」

「屋企有電磁爐」
憑《我2》名成利就的G.E.M.，之前邀節目攝製隊造訪香閨，令其位於荃灣韻濤居的2,000呎複式家居曝光，有眼利的網民發現廚房採開放設計，但卻用明火煮食爐，質疑觸犯防火條例，因拆牆改建為開放式廚房，可能會因涉及結構構件而違反《建築物條例》，至於開放式廚房需要考慮耐火結構，如拆牆改建後用明火，必須有充份的理據才獲豁免。
對於被質疑犯法，G.E.M.昨避忌說：「自己扑晒所有牆，唔鍾意屋企咁多牆，你又知我有煮嘢食？用嚟裝飾唔得咩，自己好少煮，屋企有電磁爐。」

[img]http://static.apple.nextmedia.com/images/apple-photos/apple/20140414/large/14ec2p6a.jpg[/img]
■染回啡髮的G.E.M.撇甩「立白G.E.M.」之名，着黑色透視衫出席簽名會。

[img]http://static.apple.nextmedia.com/images/apple-photos/apple/20140414/large/14ec2p7a.jpg[/img]
■G.E.M.的香閨用開放式廚房卻明火煮食，被網民質疑觸犯法例。
互聯網圖片

[img]http://static.apple.nextmedia.com/images/apple-photos/apple/20140414/large/14ec2p8a.jpg[/img]
■G.E.M.攬小歌迷合照，表現親切。


唔認數林宥嘉
此外，對於被踢爆在facebook唱衰舊愛林宥嘉五宗罪，問是否親自所寫？G.E.M.拒絕作答：「喺我私人fb寫嘅嘢，係唔係我寫唔需要回應，因為呢啲係我私人生活。」覺得林宥嘉花心？再見不是朋友？她決絕說：「冇興趣再提呢個人，我哋已經冇聯絡。」至於有林宥嘉粉絲質疑她搵公司員工扮粉絲接機造勢，她沒好氣說：「太搞笑，𠵱家都唔使安排啦，太無聊啦，其實有好多粉絲特登接機，人哋講乜唔理。」
另G.E.M.早前在北京跟好姊妹何超蓮聚會，問有否傾少女心事？她說：「乜都講，但冇八對方感情事，自己一片空白冇乜好講。」


來源:蘋果日報網站