當住萬人咀阿詩　明哥自爆廿歲失身

黃耀明前晚在紅館演出最後一場「黃耀明太平山下演唱會2014」，吸引黃家強夫婦、王喜、容祖兒、公開批評政府扭曲免費電視發牌顧問報告的伍珮瑩、公民黨副主席陳淑莊和時事評論員李慧玲等捧場。
這個純黃耀明式的演唱會，交代明哥的音樂歷程及性取向，由他62年出生那年說起，還首次披露他20歲失身經過。62年香港遇颱風溫黛，隨着銀幕播出明哥的童年相和母子合照，還唱了多首60至70年代歌曲，他再逐一細說：「我細個係基督徒，返尖沙嘴教會，二樓係教會，三樓係大觀園（時鐘酒店），不過都係教會吸引啲，因為可以唱詩歌。」
明哥還細說初戀對象：「同男同學夾band，佢係我初戀暗戀對象，我唔係一個虔誠基督徒，對方叫我一齊搵教會輔導員，教會姊妹同我講，同性戀愛好普遍，過咗青春期就回復正常。其實我中學生活好孤獨，到我返去做崇拜，離開教會最後一日，我決定去大觀園睇吓個花花世界，但之後再冇回望過一眼。」

[img]http://static.apple.nextmedia.com/images/apple-photos/apple/20140317/large/17ec3p2.jpg[/img]
■明哥大晒童年時與母親的合照，並唱盡60至70年代歌曲。

[img]http://static.apple.nextmedia.com/images/apple-photos/apple/20140317/large/17ec3p4.jpg[/img]
■黃耀明自彈自唱兼自爆失身經過。

[img]http://static.apple.nextmedia.com/images/apple-photos/apple/20140317/large/17ec3p5.jpg[/img]
■祖兒前晚捧明哥場，有指她坐正台下中間，故令阿詩全場站台邊唱歌。

笑阿詩嘴細
明哥續說：「20歲嗰年，遇到心儀對象，嗰日去買唱片，發現一對異國眼睛望住我，當時我全身緊晒，心跳得好厲害，呢雙眼開始慢慢引領我到其他地方，最後停喺一間糖果工廠，終於就喺一個陌生人身上搵到溫暖。」似暗示失身。
擔任表演嘉賓的何韻詩與明哥合唱《漩渦》，兩人唱完更咀嘴。完騷後明哥表示請高登男神何韻詩做嘉賓是大愛行為，而且一直想親她，明哥笑說：「靚女想錫好耐㗎啦！感覺佢個嘴好細，我平時咀慣大，仲要係拮肉嗰種。」
安哥時，明哥以一首《四季歌》懷念好友時尚教母黎堅惠，他傷感說：「聽日（即今日）係佢生日，但佢過唔到。」他又眼泛淚光多謝郭啟華，指沒有郭啟華就不會有這個騷，他說：「有人話政治騷好悶，講得多又會得罪人，香港珍惜地方就係有言論自由。」

[img]http://static.apple.nextmedia.com/images/apple-photos/apple/20140317/large/17ec3p1.jpg[/img]
■明哥前晚在演唱會尾場咀何韻詩，還笑阿詩嘴細。


來源:蘋果日報網站