港視劇煞停 郭鋒照出糧：冇得驚

香港電視網絡（HKTV）開台再受挫，主席王維基被迫到「走投無路」，宣佈7月1日開台要無限期推遲；港視內部如今立立亂，原本劇集《天網》、《大眾情性》和《惡毒老人同盟》會繼續拍攝，但其中《惡》已停工一周，昨更喊停開拍中的《大》。「港版半澤」陸駿光、黃美棋及陳柏宇等原定今日開工，但昨突獲通知停拍一日，改於周五才開工，陳柏宇昨在電話中說：「聽日唔使開呀，唔知成件事來龍去脈，王維基咁聰明實有辦法，船到橋頭自然直，自己只係部頭唔到我擔心。」陸駿光則說：「唔知點解停，聽講只係停一日，之後會再開工。」可擔心最終被腰斬？他說：「冇得擔心，一路繼續拍落去。」據悉該劇已拍了三分一，至6月才拍畢。

[b]如期赴法外景[/b]
郭鋒前日表示開拍中的《惡》因遷就元華檔期已停拍一周，暫未有消息：「好想知點，《大眾情性》、《復仇》同《天網》仲未開工，我份約出年到期，唔知會唔會減薪，𠵱家都準時出糧，件事都去到咁樣，要驚都驚唔嚟，尤其我呢個年紀。」
林文龍及蒙嘉慧等主演的《天網》將於下周二開拍，楊淇和傅楚卉昨返港視試造型，楊淇昨在微博貼扮大肚婆相留言：「一定會堅持拍完《天網》……全組工作人員加油呀！」蒙嘉慧的經理人昨在電話中稱沒收到停拍消息：「呢排仲有做training，冇嘢需要擔心。」唯一綜藝節目《HKTV"Working"Holiday》因機票及酒店已預定，故八位大學生下月初如期出發往法國和意大利。

[img]http://static.apple.nextmedia.com/images/apple-photos/apple/20140313/large/13ec2p7new.jpg[/img]
■（左起）陸駿光、郭鋒及張松枝等與港視仍有合約，暫未收通知是否要提前解約。資料圖片

[img]http://static.apple.nextmedia.com/images/apple-photos/apple/20140313/large/13ec2p5.jpg[/img]
■美棋BB的合約至年底，坦言仍未知前路。
微博圖片

[img]http://static.apple.nextmedia.com/images/apple-photos/apple/20140313/large/13ec2p6.jpg[/img]
■陳柏宇和港視藝人呂熙昨如常拍劇，但今日突停工。微博圖片

[img]http://static.apple.nextmedia.com/images/apple-photos/apple/20140313/large/13ec2p8.jpg[/img]
■傅楚卉昨返港視為新劇《天網》試造型。
微博圖片


拍完手頭節目後，港視將全面停止製作，跟港視仍有包薪藝員合約的美棋BB和黃芷晴坦言未有為未來鋪路，美棋BB迷茫說：「王生都話冇plan，我惟有拍好手頭嘅劇先，𠵱家諗唔到嘢。」芷晴表示未有與父親黃日華談前路：「唔知會唔會被提前解約，未收到通知，唔太擔心，公司𠵱家都有幫我接出面工作。」


來源:蘋果日報網站