「找數」做小鳳姐嘉賓　Eason被嘲語障吹神

徐小鳳前晚在紅館舉行第六場演唱會，邀請了吹神陳奕迅（Eason）擔任嘉賓，Eason專登在下午到紅館綵排，向來鬼馬的小鳳姐突然問Eason是否忘記拉褲鏈？Eason立即向下望兼拉起褲檔檢查，他笑說：「唔係呀，我條褲係咁㗎！個褲浪位係布遮布，所以你見唔到條拉鏈，有拉呀！」
笑稱自己着到如探長的Eason，在台上說：「小鳳姐個演唱會真係好好睇！我聽到你啲歌好感動，差啲喊出嚟，好想多謝你。你真係好值得後輩學習，香港樂壇歌手應該好好向你學習，我會幫你宣傳，叫大家歌手一定要睇你嘅演唱會，睇吓人哋係點做騷。好正！」小鳳姐笑說：「我係唔使宣傳，我已經好出名㗎喇！」
聽到小鳳姐的妙答，Eason笑個不停兼不停拍掌！兩人合唱《隨想曲》後，Eason半跪吻了小鳳姐手一下，然後開心得不停彈跳，小鳳姐見狀又跟着他彈，不過她很快便停下來笑說：「哎吔，我再跳會甩晒啲嘢！」接着Eason又自爆被監製叮囑不要多話，以免加時罰錢，小鳳姐笑說：「其實Eason唔多嘢講，我好明白㗎，佢只係遇到知音先會講個不停，係有語言障礙症！」

[b]小鳳收騎呢禮物[/b]
對於歌手頻頻返內地巡迴演出，小鳳姐認為沒有一個地方睇騷好過香港，她還笑說：「前日開始拆歌迷嘅禮物，發現有內地啲歌迷送咗橙、雞蛋、仲有真空包裝嘅雞，係差電視同雪櫃冇收到！以前我哋香港人帶好多嘢回鄉探親，𠵱家佢哋回報全部送番晒畀我。下次記住電視同雪櫃呀！」

[img]http://static.apple.nextmedia.com/images/apple-photos/apple/20140226/large/26ec3p7a.jpg[/img]
■歌迷一見小鳳姐走近，就送上不同的禮物。

[img]http://static.apple.nextmedia.com/images/apple-photos/apple/20140226/large/26ec3p3a.jpg[/img]
■張智霖和袁詠儀睇騷不忘集郵，專登入後台與小鳳姐合照。

[img]http://static.apple.nextmedia.com/images/apple-photos/apple/20140226/large/26ec3p1a.jpg[/img]
■鬼馬的小鳳姐經常捉弄嘉賓，竟然笑Eason忘記拉褲鏈，又指他患語言障礙症。


來源:蘋果日報網站