2014-2-18 14:24
sinta
克羣唔敢娶千金 驚入豪門俾人打？
台灣男歌手吳克羣話就算有個有錢女朋友，都唔會諗住結婚，仲話自己係不婚主義者！唔知啱啱同完朋友去長洲飲飲食食嘅何超蓮，知道後仲有冇咁好胃口呢？
吳克羣近日喺北京宣傳電影《脫軌時代》，前日接受訪問，大談佢嘅愛情觀，克羣喺戲中愛上張靜初飾演嘅阿姨，問佢係有戀母情意結？吳克羣就好感慨話：「一定會，因為她根本就不在乎他的錢，有時候富二代和我們藝人都會覺得，別人喜歡你，是不是真的喜歡你。」
現實生活中緋聞女友何超蓮確實係好有錢喎？佢就回應：「很多嫁入豪門的人，最後的結果可能是被打或幹嘛。」吓！你唔係講驚自己入咗豪門後，會被打呀？吳克羣話：「我覺得你不了解我，第一我不結婚，我不想結婚。」
娶豪門也不結婚？佢話：「對。第二是，我覺得錢這個事情，有時候是複雜化愛情的關鍵。老實說我們自己可以過很棒的生活，不管有錢或者沒錢，可是媒體總是覺得，你們就是要做私人飛機才會覺得快樂。」咁係咪即係話近佢同超蓮一齊唔係為錢呢？
訪問中佢仲透露阿爸同阿媽分開過又復合，依家60幾歲仲會經常吵鬧但又分唔開，唔知係咪咁搞到佢唔敢結婚呢？
[img]http://static.apple.nextmedia.com/images/apple-photos/video/20140218/org/1392665959_475f.jpg[/img]
來源:蘋果日報網站