「愛回家」被嘲做騷　艾威：似災難熱線

王維基攞不到免費電視牌照，被迫炒320名員工，向來被指一台獨大的無綫，前晚亦在節目《東張西望》中宣佈「愛回家」計劃，找來陳豪、薛家燕、劉丹等稱歡迎離巢同事回歸，公司更設立電話專線，但此舉卻被批評似做騷，台前幕後似乎不太受落。通訊事務管理局昨更收到27宗投訴，指無綫利用大氣電波播放自己電視台的求職資訊，有公器私用之嫌、有植入式廣告及令人反感。

[b]納稅人嘅損失[/b]
港視藝員艾威昨日在電話中揶揄似災難熱線：「呢種呼籲都幾得意，政府都成日對啲喺外地發生事故嘅災民，喺冇辦法聯絡嘅情況下作出呼籲，但應該有晒我哋呢班外遊人士（離巢員工）紀錄，聯絡冇難度，唔使公開發出呼籲，可能係電視節目之一。」另外商務及經濟發展局局長蘇錦樑稱不怕王維基司法覆核，艾威說：「呢場官司無論輸定贏，對每一個市民都係損失，因為係用納稅人錢去打，真係使得冤枉。」劉玉翠亦不認同無綫做法，直言感覺不舒服：「有啲執死雞，好似你受重傷，行過踢多腳咁。我同無綫冇問題，但唔會打電話。」周家怡寸嘴反問：「佢哋有冇接電話接到手軟？但我冇聽過身邊嘅人話打過，大家集中點係睇梁振英點回應，多過要打電話搵工。」她認為無綫應主動聯絡適合的人較恰當。陳宛蔚表示不清楚電話號碼，問是否等男友錢國偉養？她笑說：「唔係佢話養就要俾佢養。」

[img]http://static.apple.nextmedia.com/images/apple-photos/apple/20131024/small/24ec2p1r.jpg[/img]
■周家怡日前有到政總支持港視，她昨日更明潤無綫「愛回家」熱線，問是否接電話接到手軟。資料圖片

[img]http://static.apple.nextmedia.com/images/apple-photos/apple/20131024/small/24ec2p2r.jpg[/img]
■艾威覺得「愛回家」熱線似災難熱線，似電視節目做騷。資料圖片

[img]http://static.apple.nextmedia.com/images/apple-photos/apple/20131024/small/24ec2p3r.jpg[/img]
■阮兆祥力撐無綫公開呼籲，表示部份舊同事有家庭負擔。

[b]熱線反應麻麻[/b]
據悉無綫「愛回家」熱線反應麻麻，不過亦有幕後工作人員曾致電求職，有專人接聽，記錄求職者姓名及聯絡電話等資料，然後交由人事科負責聯絡，再轉交予相關部門同事跟進。據稱「愛回家」人士甚至可提供關係不好前上司的名字，盡量安排避免與對頭接洽，免尷尬。無綫電視業務總經理鄭善強昨日於將軍澳電視廣播城出席傑出員工頒獎禮，透露對熱線狀況不太清楚，企業傳訊部總監譚錫揚補充說：「冇所謂嘅上限但都唔係接受晒三百幾人，要睇番工種。」對於被指做騷，他說：「見仁見智，唔係只有TVB，其他電視台都有咁嘅舉動。」企業傳訊部副總監曾醒明解釋熱線主要提供予未曾在TVB工作過人士，似乎與「愛回家」目標有偏差。

[img]http://static.apple.nextmedia.com/images/apple-photos/apple/20131024/small/24ec2p4newr.jpg[/img]
■薛家燕（右）奉命呼籲舊同事回巢無綫，說時手舞足蹈。電視圖片


此外，阮兆祥昨日在將軍澳錄影《勁歌金曲》時表示歡迎舊同事回巢，對被批評似做騷，他說︰「部份舊同事有負擔，有呢個機會返嚟未嘗唔係一件好事。」有份拍無綫劇《神鎗狙擊》的張兆輝昨接受港台訪問，暗寸現今編劇和導演退步：「以前啲人抄嘢抄得好靚，𠵱家連抄都唔識抄，所以多啲培訓新血加入係好事。」


來源:蘋果日報網站